Ваўкавыскія “тэхнаЁлкі”

Да Новага года яшчэ ёсць час, аднак перадсвяточны настрой ужо пасяліўся ў Ваўкавыскім раённым цэнтры тэхнічнай творчасці дзяцей і моладзі. Традыцыйнымі сімваламі навагодняга свята ўжо нікога не здзівіш, таму ўдзельнікі раённага этапу Рэспубліканскага конкурсу “ТэхнаЁлка” праявілі фантазію і прадставілі арыгінальныя святочныя ўпрыгажэнні, якія немагчыма купіць у магазіне. Іх ёлкі — увасабленне творчых задум і цікавых ідэй.

Мэта конкурсу — прыцягненне вучнёўскай моладзі да навуковатэхнічнай творчасці, да дзейнасці ў аб’яднаннях па інтарэсах тэхнічнага профілю, выяўленне і падтрымка таленавітай і адоранай моладзі. На выставе было прадстаўлена каля 40 экспанатаў у дзесяці намінацыях: “Дызайнёлка”, “Хайтэкёлка”, “Альтэрнатыўная ёлка”, “МультымедыяЁлка”, “РэтраЁлка”, “Ёлкатрансформер”, “Калядная кампазіцыя”, “Навагодні сувенір”, “Святочныя ўпрыгажэнні”, “Сімвал 2020 года”.

У сваіх праектах дзеці выкарыстоўвалі розныя матэрыялы: метал, дрэва, фанеру, шкло, дэталі тэхнічных прылад, другасную сыравіну. У ход ішлі электрычныя лямпачкі, пластыкавыя бутэлькі, бляшанкі зпад кокаколы, аўтамабільныя запчасткі і нават камяні. Многія экспанаты свяціліся яркімі агеньчыкамі, прайгравалі музыку.

Арыгінальнасцю і тэхнічным выкананнем вылучаліся работы навучэнцаў Ваўкавыскага раённага цэнтра творчасці дзяцей і моладзі. Сувеніры, вырабленыя на 3Dпрынтары і лазернагравіравальным станку, прыцягвалі погляды шматлікіх наведвальнікаў выставы. Дызайнёлка навучэнцаў Гнезнаўскага дзіцячага сада — сярэдняй школы ўразіла журы тым, што была цалкам серабрыстай, і нетрадыцыйным спосабам выкарыстання будаўнічых матэрыялаў. Альтэрнатыўная ёлка сярэдняй школы № 2 Росі “Лямпачка Ільіча” была сабрана з электрычных лямпачак.

Таццяна ДОЎКША,
метадыст Ваўкавыскага раённага цэнтра тэхнічнай творчасці дзяцей і моладзі.