Бацькі і дзеці: давайце будзем разам

Бацькі — гэта самыя галоўныя і незаменныя людзі ў жыцці любога чалавека. Мама — гэта пяшчота, каханне, цяпло, клопат. Тата — гэта сіла, абарона, упэўненасць, стабільнасць. Сям’я аказвае вялікі ўплыў на тое, што дзіця будзе лічыць важным у жыцці, на фарміраванне яго сістэмы каштоўнасцей. Дзеці свядома і несвядома арыентуюцца на прыклад сваіх бацькоў. Дзіця з’яўляецца адлюстраваннем той сям’і, у якой яно расце і развіваецца.

У сучасным рытме жыцця і пастаяннай занятасці дарослых часта ўзнікае пытанне ў бацькоў: “Дзе ўзяць час, каб яшчэ і чаму-небудзь вучыць дзіця?”

Не варта забываць, што роўны, заспакаяльны тон у сітуацыях пабітых каленак, набітых гузоў, упартасці, капрызаў, спакойны зварот адно да аднаго, зносіны падчас вячэры за сталом, эмоцыі падчас сумесных паездак і спрэчных сітуацый, пачуцці ў момант даверных зносін з дзіцем і многае іншае, што адбываецца ў сям’і кожны дзень, з’яўляюцца асновай для фарміравання асобы. У дзіцяці з’яўляюцца канкрэтныя ўяўленні аб сацыяльных ролях і ўзоры паводзін.

Даказана, што асабліва моцны ўплыў бацькоў на дзіця — у яго дашкольныя гады.

Дык што ж важна бацькам штодня рабіць і не рабіць, каб мама і тата адыгрывалі важную ролю ў жыцці дзіцяці на ўсіх узроставых этапах?

Рабіце!

* Усталюйце выразныя і зразумелыя патрабаванні да дзіцяці.

* Радуйцеся вашай малечы штодня, захапляйцеся, дэманструйце любоў і павагу.

* Размаўляйце з дзіцем клапатлівым, заспакаяльным, падбадзёрваючым тонам.

* Не губляйце пачуццё гумару.

* Калі дзіця з вамі размаўляе, слухайце яго спачувальна і ўважліва.

* Тлумачце што-небудзь дзіцяці проста і зразумела.

* Гаварыце павольна.

* Будзьце цярплівыя і адказвайце на ўсе пытанні дзіцяці.

* Займайцеся ўборкай або гатуйце абед разам з дзіцем.

* Калі вы ўбачылі, што дзіця нешта робіць, пачніце паралельную размову (каменціруйце яго дзеянні).

* Заўсёды праяўляйце цікавасць да таго, што дзіцяці падабаецца рабіць (калі яно пачало нешта калекцыяніраваць — дробныя цацкі, машынкі — займіцеся гэтым разам з ім).

* Кожны дзень чытайце дзіцяці, гуляйце з ім у гульні.

* Заахвочвайце ў дзіцяці імкненне задаваць пытанні.

* Не скупіцеся на хвалу і пацалункі.

* Давайце дзіцяці магчымасць самастойна прымаць рашэнні.

* Заахвочвайце цікаўнасць і ўяўленне вашага малога.

* Зацікаўце гульнёй з іншымі дзецьмі.

* Клапаціцеся пра тое, каб у дзіцяці былі новыя ўражанні, пра якія яно магло б расказаць.

* Будзьце прыкладам для малечы: хай дзіця бачыць, якое задавальненне вы атрымліваеце ад любімых спраў.
Не рабіце!

* Не перапыняйце дзіця, не кажыце, што вы ўсё зразумелі, адварочваючыся, пакуль яно не скончыла расказваць.

* Не задавайце занадта шмат пытанняў.

* Не прымушайце дзіця рабіць тое, да чаго яно не гатова.

* Не прымушайце дзіця рабіць што-небудзь, калі яно стамілася або засмучана.

* Не даручайце адначасова занадта шмат заданняў.

* Не варта ўвесь час папраўляць дзіця, паўтараючы: “Не так! Перарабі гэта!”

* Не варта крытыкаваць дзіця, асабліва ў прысутнасці іншых людзей.

* Не параўноўвайце малечу ні з якімі іншымі дзецьмі.

Памятайце, што праблемы бацькоў і дзяцей не існуе там, дзе бацькі і дзеці штодня актыўна маюць зносіны і чымсьці сумесна займаюцца.

Наталля ЛЕБЕДЗЕВА,
педагог-псіхолаг ясляў-сада № 6 Слоніма.