Яблычны пірог з пясочнага цеста

Шчодры ўраджай яблыкаў у гэтым годзе натхняе мяне на карысныя і смачныя стравы з іх. Прапаную згатаваць смачны яблычны пірог з пясочнага цеста.

Нам спатрэбіцца: 500 г яблы­каў (можна ўзяць нават некалькіх гатункаў), 200 г мяккага сметанковага масла, 200 г цукру, 3 шклянкі мукі першага або вышэйшага гатунку, карыца на смак, 5 ст.л. смятаны або густых вяршкоў.

Гатаванне: сметанковае масла расцерці з цукрам (150 г), дабавіць муку. Цеста скатаць у камяк, завярнуць у харчовую плёнку, пакінуць на 30 мінут у халадзільніку. Выдаліць асяродак з яблыкаў, нарэзаць іх кубікамі, перамяшаць з цукрам і смятанай.

Форму для выпякання (выкарыстоўваю шкляную вогнетрывалую) змазаць сметанковым маслам, пакласці ахало­джанае цеста, на яго — яблыкі, перамяшаныя з цукрам (50 г) і смятанай, пірог пасы­паць карыцай. Не забыць выкласці борцікі ў пірага.

Выпякаць 25—30 мінут.

Пірог цудоўны ў гарачым і халодным выглядзе.

Рэкамендую ў пясочным цесце не выкарыстоўваць яйкі, бо тады яно становіцца не такім смачным.

Карыца вельмі добра спалучаецца з яблыкамі. Выкарыстоўвайце яе для такіх пірагоў шчодра.

Смачна есці.

Святлана СЁМІНА,
настаўніца англійскай мовы сярэдняй школы № 10 Брэста.
Фота аўтара.